«Шаңырақ» (5-10-20) пилот жобасы

Құрметті клиенттер, ҚР Үкіметінің 2022 жылғы 23 қыркүйектегі №736 қаулысына сәйкес Тұрғын үй-коммуналдық дамудың 2020-2025 жылдарға арналған «Нұрлы Жер» мемлекеттік бағдарламасының (оның ішінде «Шаңырақ» пилоттық жобасы) күші жойылғанын хабарлаймыз.

Осы Бағдарлама бойынша келісімдер шеңберінде жасалған қалған объектілер «Нұрлы Жер» бағдарламасының талаптары бойынша сатылатын болады.

Жаңа объектілер бойынша келісімдер «Тұрғын үй-коммуналдық инфрақұрылымды дамытудың 2023-2029 жылға дейінгі тұжырымдамасы» шеңберінде жасалады.

«Нұрлы жер» бағдарламасының жаңа бағыты әкімдік кезегінде тұрған азаматтарға тұрғын үй сатып алу үшін төмендегі шарттар бойынша несие беруді қарастырады:

Несие мөлшерлемесі
(ЖТСМ 5,2% бастап 5,8% дейін)

Бастапқы жарна

Несиелендіру мерзімі

Егер сіз әкімдік кезегінде тұрсаңыз, онда бағдарламаға қатысу үшін дәл қазір өтінім бере аласыз.

09.09.2021 ж. бастап банк нарықта тұрғын үй сатып алуға өтінімдерді қабылдауды тоқтатқанына байланысты сіз otbasybank.kz жылжымайтын мүлік порталында өтінім бере аласыз және ұсынылған объектілерден тұрғын үй таңдауды жүзеге асыра аласыз.

2022 жылы өтінімдер 1986 жылдан бастап осы уақытқа дейін әкімдікте есепте тұрған Отбасы банкінің салымшыларынан, сондай-ақ, банк салымшысы болып табылмайтын әкімдік кезегіндегі азаматтардан қабылданады.

Маңызды! «Тексеру және өтінім беру» түймесін баспас бұрын, бұл бағдарламаның сізге қаншалықты қолайлы екенін түсіну мақсатында оның шарттарымен (төменде көрсетілген) алдын ала мұқият танысуларыңызды өтінеміз. Әкімдік кезегінде тіркеуде тұрғаныңызды мына жерден тексере аласыз:

Тексеру және кеңес алу

Заем алу үшін не істеу керек?

«Шаңырақ» пилот жобасына тұрғын үйге мұқтаж ретінде әкімдікте есепте тұрған азаматтар қатыса алады.

Соңғы алты ай ішіндегі отбасының әрбір мүшесіне келетін табыстың бір айлық көлемі 3,7 күнкөріс минимумынан (КМ, 2023 жылдың 1 қантарына көрсеткіші – 40 567 теңге) артық болмауы керек. Яғни 2023 жылы отбасының бір мүшесінің табысы 150 098 теңгеден аспауы тиіс.

Баспананы кез келген жаңа тұрғын үй кешенінен сатып алуға болады. "Шаңырақ" жобасының аясында салынған жаңа тұрғын үй кешендерінен де, жеке құрылыс салушылардан да пәтер сатып алу мүмкіндігі қарастырылған. Сондай-ақ, «Тұрғын үй құрылысына кепілдік беру қоры» АҚ кепілдігі бар құрылыс компанияларынан үлестік қатысу арқылы (пайдалануға берілмеген үйлерден) тұрғын үй сатып ала аласыз.

Ең жоғарғы заем сомасы жеке құрылыс салушылар ұсынған жаңа үйлер бойынша Қазақстанның әр аймағына байланысты:

Астана, Алматы және осы қалалардың маңындағы аймақтар

Атырау, Ақтау, Ақтөбе, Түркістан, Шымкент және Қарағанды қалалары, сондай-ақ Қарағанды облысында

Басқа аймақтар

Әкімдік салған несиелік тұрғын үй бойынша 1 шаршы метрге келесі баға параметрлері белгіленген:

240 мың теңгеге дейін — Алматы қаласында;

220 мың теңгеге дейін — Астанада және осы қала маңындағы аймақта;

200 мың теңгеге дейін — Шымкент қаласында және Алматы маңындағы аймақта;

180 мың теңгеге дейін — Ақтөбе, Атырау, Ақтау, Түркістан, Қарағанды қалаларында және Қарағанды облысында;

160 мың теңгеге дейін — басқа аймақтарда.

«Шаңырақ» бағдарламасы бойынша пәтер сатып алуға болатын құрылыс компанияларының тізімін мына жерден жүктеп алуға болады.

Кіріс ретінде не ескеріледі?

Сіз негізгі кіріс көзі болған жағдайда несие ала аласыз. Негізгі кіріске еңбек және/немесе кәсіпкерлік
қызметтен түсетін табыс жатады.

Егер сіздің негізгі кірісіңіз жеткіліксіз болса, онда сіз қосымша табысты қосып есептей аласыз.

Егер сіздің табысыңыз несиені өтеуге жеткіліксіз болса, онда сіз 2 қосалқы қарыз алушыны тартуыңызға болады.

Негізгі кіріске жататындар:

Айлық жалақы

Жеке кәсіпкерліктен түсетін кіріс

Өтеулі қызмет көрсету шарты бойынша түсетін табыс

Қосымша кіріске жататындар:

Зейнетақы және зейнетақы аударымдары
(негізгі кіріс болған жағдайда)

Экологиялық төлемдер

Тұрғын үй төлемдері

Өзге жәрдемақылар кіріс ретінде есептелмейді.

Бағдарлама бойынша үйді қалай алуға болады?

1. Әкімдікте кезекте тұру.
Тұрғын үйді өзіңіз кезекте тұрған аймақтан сатып ала аласыз.
Жаңа пәтерді «Шаңырақ» бағдарламасының аясында салынған тұрғын үй кешендерінен де, жеке құрылыс салушылардан да сатып алуға болады.

2. Бағдарламаға қатысу үшін электронды түрде өтінім беру.
Электронды түрде өтінім беру үшін жоғарыдағы «Тексеру және өтінім беру» түймесін басу қажет.
Өтінім берілгеннен кейін үш жұмыс күні ішінде сізге банкте кездесуді тағайындау үшін Байланыс орталығының қызметкері қоңырау шалады.
Банкте төлем қабілеттілігіңізді белгіленген уақытта ғана растай аласыз.

3. Тұрғын үй құрылыс жинағы туралы келісім-шарт бекіту.
Мұны Сізге Отбасы банкінің кез келген бөлімшесінде, несиелік өтінім беруге тағайындалған уақытта Банкке келу арқылы бекітуге болады. Келісімшартты бекіту үшін жеке куәлігіңіз жеткілікті.

4. Төлем қабілеттілігін бағалаудан өту.
Атыңызда несие бар болса, ол төлем қабілеттілігіңізге әсер етуі мүмкін.

Басқа несиелер бойынша уақтылы өтелмеген қарыз болса, оларды жабуға кеңес береміз.

5. Тұрғын үй таңдау.
Бұл кезеңде Сізге тұрғын үй іздеп, таңдап, кез келген бағалау ұйымы арқылы таңдалған баспананы бағалап, сатушыдан тұрғын үйдің құқық белгілеуші құжаттарының көшірмелерін алу қажет.

Назар аударыңыз: жылжымайтын мүліктің бағалау нәтижелерін және құқық белгілеуші құжаттарды төлем қабілеттілігі расталған күннен бастап екі айдан аспайтын уақыт ішінде тапсыру керек.

6. Заем ресімдеуге мақұлдау алу (мақұлдау алу мерзімі 10 жұмыс күнінен аспайды).
Ол үшін Сізге жылжымайтын мүліктің бағалау нәтижелерін, құқық белгілеуші құжаттардың көшірмелерін алып, банк бөлімшесіне келіп, заем ресімдеуге және Сіз таңдаған үйдің кепілі бойынша мақұлдау алу керек.

7. Бастапқы жарнаны аудару. Ең төменгі бастапқы жарна заем сомасының 10%-на тең. Ақшаны банк бөлімшелері, интернет-банкинг, Отбасы банкінің төлем терминалдары немесе банктің серіктес ұйымдарының интернет-банкингі мен төлем терминалдары арқылы аударуға болады.

Назар аударыңыз: банк кеңесшілері жарна қабылдамайды.

8. Сатушымен сатып алу-сату келісім-шартын бекіту.
Мақұлдау алған соң Сізге нотариуста сатушымен сатып алу-сату келісім-шартын бекітіп, жұбайыңыздың кепілге рұқсатын (қажет болған жағдайда) алу керек.

9. Заем алу.
Банкке жылжымайтын мүліктің сатып алу-сату келісім-шартын және жұбайыңыздың кепілге рұқсатын өткізгенен кейін банк заемы туралы келісім-шарт бекітіп, Халыққа қызмет көрсету орталығында немесе нотариуста кепілді тіркеу керек. Осыдан соң заем беріледі.

10. Өз пәтеріңізге немесе үйіңізге көшіп кіру!

Маңызды! ҚР заңнамасына, ішкі құжаттарға және бағдарлама шарттарына сәйкес, қажет болған жағдайда банк қосымша құжаттар сұратуға құқылы.

Отбасы банкінде «Шаңырақ» несиесі бойынша шамамен алғандағы ай сайынғы төлем есебі (20 жылға)

Заем сомасы, теңге	10 000 000	12 000 000	15 000 000	16 000 000	18 000 000
Мөлшерлеме, жыл	5%	5%	5%	5%	5%
Бастапқы жарна, теңге	10% 1 000 000	10% 1 200 000	10% 1 500 000	10% 1 600 000	10% 1 800 000
Мерзімі, жылы	19	19	19	19	19
Ай сайынғы төлем, теңге	77 666 - алғашқы 8 жыл, 38 859 - қалған жылдарда	93 200 - алғашқы 8 жыл, 42 281 - қалған жылдарда	116 500 - алғашқы 8 жыл, 62 414 - қалған жылдарда	124 266 - алғашқы 8 жыл, 67 125 - қалған жылдарда	139 800 - алғашқы 8 жыл, 76 546 - қалған жылдарда
Таза артық төлем, мың теңге*	3 600	4 600	6 000	6 400	7 400
Заем бойынша сыйақы, мың теңге	4 900	5 900	7 500	8 000	9 000

*Танысуға арналған есептеулер, кредит жөніндегі нақты ақпарат алу үшін Банк бөлімшесіне хабарласыңыз
**Есептеу Мемлекет сыйлықақысын және салым бойынша Банк сыйақысын шегере отырып жүргізілді

Отбасы банкінде «Шаңырақ» несиесі бойынша шамамен алғандағы ай сайынғы төлем есебі (13 жылға)

Заем сомасы, теңге	10 000 000	12 000 000	15 000 000	16 000 000	18 000 000
Мөлшерлеме, жыл	5%	5%	5%	5%	5%
Бастапқы жарна, теңге	10% 1 000 000	10% 1 200 000	10% 1 500 000	10% 1 600 000	10% 1 800 000
Мерзімі, жылы	13	13	13	13	13
Ай сайынғы төлем, теңге	77 666 - алғашқы 8 жыл, 76 732 - қалған жылдарда	93 200 - алғашқы 8 жыл, 95 337 - қалған жылдарда	116 500 - алғашқы 8 жыл, 123 244 - қалған жылдарда	124 266 - алғашқы 8 жыл, 132 547 - қалған жылдарда	139 800 - алғашқы 8 жыл, 151 151 - қалған жылдарда
Таза артық төлем, мың теңге*	3 059 944	3 867 430	5 078 658	5 482 401	6 289 887
Заем бойынша сыйақы, мың теңге	4 400	5 300	6 600	7 100	8 000

*Танысуға арналған есептеулер, кредит жөніндегі нақты ақпарат алу үшін Банк бөлімшесіне хабарласыңыз
** Есептеу Мемлекет сыйлықақысын және салым бойынша Банк сыйақысын шегере отырып жүргізілді

Өтініштерді пулға қабылдау кезінде кандидаттардың тізімін қалыптастыру
Кандидаттардың тізімін қалыптастыру «ерте күннен кеш күнге» қағидаты бойынша есепке қойылған күн бойынша жүзеге асырылады. Есепке қою күні сәйкес келген жағдайда жүйе кандидаттарды «пулға өтініш беру күні мен уақыты бойынша» автоматты түрде саралайды. Сатып алушылардың тізімін қалыптастыру өтініштерді қабылдау аяқталған күннен кейінгі келесі жұмыс күні жүзеге асырылады. Тұрғын үй типі бойынша пәтерлер санына тең мөлшердегі үміткерлер кандидаттарға айналады.

Тікелей сату кезінде кандидаттар тізімін саралау.
otbasybank.kz жылжымайтын мүлік порталында өтініш берген сәтте тікелей сатуға қатысатын салымға есептелген сыйақы сомасына қарай (жинақ шотындағы есептелген сыйақы сомасы неғұрлым жоғары болса, объектідегі осы пәтерді таңдауға басымдық соғұрлым жоғары болады) кандидаттардың тізімін автоматты түрде саралайды. Бұл ретте, егер брондау кезінде ТҚЖ туралы бірнеше шарт мәлімделсе, 3 (үш) жылға дейінгі мемлекет сыйлықақысын қоспағанда, жүйе жинақ шотындағы және сыйақы шотындағы сыйақының жалпы сомасын жинақтайды. Тізім бойынша келесі кандидаттар, бірінші кандидаттан кейін, егер бірінші кандидат өтініштің күшін жойса немесе біліктіліктен өтпесе, брондалған пәтерге құқығын сақтайды. Тізім бойынша келесі кандидатқа Банктің интернет-ресурсындағы жеке кабинетінде біліктілікке шақыру туралы хабарлама автоматты түрде жіберіледі.
Кандидаттың біліктілігін растау мерзімі өтініштерді тікелей сатуға қабылдау аяқталған күннен бастап 5 (бес) жұмыс күнін құрайды. Тізім бойынша келесі кандидатқа біліктілікті растаудың осындай мерзімі белгіленген.

ҚАРЫЗ АЛУШЫНЫҢ БАНКТІК ҚАРЫЗ ШАРТЫ (БҰДАН ӘРІ – ШАРТ) БОЙЫНША МІНДЕТТЕМЕЛЕРДІ ОРЫНДАМАҒАН ЖАҒДАЙДАҒЫ БАНК ҚҰҚЫҚТАРЫ:

Шарт талаптарына сәйкес тұрақсыздық айыбын (айыппұл, өсімақы) есептеу;
Қарыз алушының банктік шоттарындағы ақшаны өндіріп алу;
Коллекторлық агенттікке берешекті сотқа дейінгі өндіріп алу мен реттеу үшін тапсыру;
Қарыз алушыдан Шарт бойынша берешекті өндіріп алу туралы өтінішпен сот органдарына жүгіну.

Тұрғын үй заемы

Мемлекет сыйлықақысы

Қайталама тұрғын үй несие

Бақытты отбасы

Мобильді қосымша

«Шаңырақ» (5-10-20) пилот жобасы

Қоңырауға тапсырыс беру