ULYTAU ZHASTARY

2023 ЖЫЛҒА АРНАЛҒАН «ULYTAU ZHASTARY»

Бағдарламаға қатысушылар

Қатысушыларға қойылатын негізгі талаптар

• ҚР азаматтығы;
• Қатысушының және онымен бірге тұратын оның отбасы мүшелерінің (кәмелетке толмаған балаларының және т. б., бар болса) Ұлытау облысында кемінде соңғы 1 (бір) жыл үздіксіз тұрақты тіркелуінің болуы;
• Өтініш беру сәтінде жасы - 35 жасқа дейін (қоса алғанда), жұбайының (зайыбының) жасына қарамастан (бар болса);
• Соңғы 5 жылда қатысушыда және отбасы мүшелерінде жылжымайтын мүліктің болмауы;
• Зейнетақы шотынан үзінді көшірмемен расталған өтініш беру сәтінде Ұлытау облысында таңдалған қызмет саласында кемінде бір жыл ресми жұмыс өтілі;
• Кредит беруге ерлі-зайыптылардың біреуі ғана қатыса алады.
• Ұлытау облысында жас мамандарға кредит беруге объектілері Ұлытау облысында орналасқан төмендегі қызмет салалары қатыса алады:
  • Денсаулық сақтау – Ұлытау облысында орналасқан Денсаулық сақтау саласындағы мемлекеттік ұйымдардың штаттық қызметкерлері;
  • Білім беру - Ұлытау облысында орналасқан білім беру саласындағы мемлекеттік ұйымдардың (оның ішінде мемлекеттің 100% қатысуымен АҚ және КЕАҚ) педагог қызметкерлері;
  • Мәдениет – Ұлытау облысында тіркелген мемлекеттік мәдени ұйымдардың бейінді қызметкерлері;
  • Спорт – Ұлытау облысында тіркелген мемлекеттік ұйымдарда еңбек қызметін жүзеге асыратын спортшылар мен жаттықтырушы-оқытушылар;
  • БАҚ – атап айтқанда: мемлекеттік қызметшілерді қоспағанда, Ұлытау облысында орналасқан БАҚ-та есепке қою туралы куәлігі бар ұйымдардың/мекемелердің штаттық қызметкерлері;
  • Жоғары оқу орындары – атап айтқанда: Ұлытау облысында тіркелген жоғары оқу орындарының штаттық қызметкерлері;
  • Әлеуметтік сала -Ұлытау облысында тіркелген Халықты әлеуметтік қорғау саласындағы мемлекеттік ұйымдардың штаттық қызметкерлері.

Кредит беру шарттары:

• 
  Қарыздың ең жоғары сомасы: 20 млн. теңге;
• 
  Бастапқы жарна - қарыз сомасының: 10%-ы;
• 
  Қарыз бойынша сыйақы мөлшерлемесі : жылдық 5%;
• 
  Қарыз мерзімі: 19 жылды қоса алған мерзімге дейін;
• 
  Қарыздың нысаналы мақсаты: «Қазақстандық тұрғын үй компаниясы» АҚ кепілдігі болған кезде салынып жатқан объектілерде бастапқы және қайталама нарықтарда тұрғын үй сатып алу.