Отбасы банкінің қазақстандық ғалымдарға арналған тұрғын үй бағдарламасына қатысу үшін 140-тан астам маман өтінім берді

Жас ғалымдарға арналған тұрғын үй бағдарламасының алғашқы қатысушылары қоныс тойын атап өтуге дайындалып жатыр. Заемдарды Алматы мен Шығыс Қазақстан облысының ғылыми қызметкерлері мен оқытушылары алды.
Бағдарламаның 27 қатысушысы қазір өздеріне қолайлы тұрғын үй іздеуде, сонымен қатар 110 маман – заем рәсімдеу үстінде.
Жеңілдетілген ипотекаға үміттілердің дені - Алматы, Астана қалалары мен Қарағанды облысынан.  
2023 жылы несиелендірудің жалпы сомасы 2 млрд теңгені құрайды. Қаражатты Отбасы банк бөледі. Жобаны қаржыландыруға барлығы 16,6 млрд теңге қарастырылған. Бұл 1000 жас ғалымның қоныс тойын атап өтуіне мүмкіндік береді.
2023 жылға бөлінген транш игерілгендіктен, ағымдағы жылы өтінімдерді қабылдау аяқталды. Ол 2024 жылы қайта басталады. Банк келесі жылы өтінімдерді қабылдау туралы қосымша хабарлайды.
Жоба бас-аяғы 5 жылға есептелген.
Жас ғалымдарға арналған тұрғын үй бағдарламасы ҚР Ғылым және жоғары білім министрлігімен бірлесіп іске қосылды.
Тұрғын үй бағдарламасына Ғылым комитетіне және Тіл саясаты комитетіне қарайтын ғылыми зерттеулерді жүзеге асыратын, ғылыми және (немесе) ғылыми-техникалық қызметті жүзеге асыратын, магистр дәрежесінен төмен емес дәрежесі бар, гранттық немесе бағдарламалық-нысаналы қаржыландыру шеңберіндегі ғылыми, ғылыми-техникалық жобалар мен бағдарламаларға, ғылыми және (немесе) ғылыми-техникалық қызмет нәтижелерін коммерцияландыру жобаларына қатысуды қоса алғанда, кемінде 3 (үш) жыл ғылыми-зерттеу жұмыс өтілі бар, ғылыми ұйымдар мен жоғары және (немесе) жоғары оқу орнынан кейінгі білім беру ұйымдарының жас ғалымдары ретіндегі және тұрғын үйге мұқтаж Қазақстан Республикасының азаматтары қатыса алады.
Ғалымдарға арналған тұрғын үй бағдарламасы 10%-дан бастап ең төменгі алғашқы жарнамен Отбасы банкіне жылдық 5%-дық мөлшерлемемен несие алуға мүмкіндік береді (ЖТСМ 5,2% - дан бастап). Бағдарламаға бойынша берілетін кредиттің ең жоғары сомасы – 20 млн теңгеге дейін.
Сондай-ақ «Жасыл ипотека» бағдарламасы аясында да заем алу мүмкіндігі бар. Оның ең жоғрғы сомасы 35 млн теңгеге дейін. Несие бойынша мөлшерлеме жылдық 8% (ЖТСМ 8,2%-дан бастап). Алғашқы жарна – 20%-дан 50%-ға дейін.
Ғалымдарды несиелендіру бағдарламасына қатысушысы 40 жастан аспауы тиіс. Оның және онымен бірге тұратын отбасы мүшелерінің соңғы 5 жылда баспанасы болмауы керек.
Қатысушылар еліміздің кез келген қаласынан баспана сатып ала алады.
Қатысушылардың пулын жұмыс беруші белгілейді. Банк кредиттік өтінімдерді ғылыми ұйымдар мен жоғары оқу орындарының тізбесіне кіретін ұйымның жолдамасы негізінде қабылдайды.
Бағдарламаға қатысушының жасы 40 жастан (қоса алғанда) аспауы тиіс. Оның және онымен бірге тұратын отбасы мүшелерінің соңғы 5 жыл ішінде меншік құқығында тұрғын үйі болмауы тиіс.
Жас ғалымдарға несие берудің ашықтығын қамтамасыз ету мақсатында бағдарлама қатысушылары туралы ақпарат, қарыз алушылардың келісімімен, банктің ресми сайтында жарияланады деп көзделген. Бұл ақпарат банктің сайтында жақын арада пайда болады.