Отбасы банкінде жаңа Басқарма мүшесі тағайындалды

«Отбасы банк» АҚ («Бәйтерек» холдингінің еншілес ұйымы) Басқарма төрайымының орынбасары болып Владимир Савченко тағайындалды.
Оған дейін бұл қызметті Мирас Бейсембаев атқарған.
Отбасы банк Басқармасының жаңа мүшесі банктің Директорлар кеңесінің отырысында сайланды және 2023 жылдың 15 мамырынан бастап қызметіне кіріседі.
Бұған дейін Владимир Савченко «Bereke Bank» АҚ Басқармасының орынбасары қызметін атқарған.
Жаңа қызметінде ол заң және ақпараттық қауіпсіздік департаменттеріне жетекшілік ететін болады.
Владимир Савченко Жамбыл қаласында дүниеге келген.
1998 жылы ол «Құқықтану» мамандығы бойынша әл-Фараби атындағы Қазақ ұлттық университетін тәмәмдаған, біліктілігі – заңгер. 2003 жылы сол білім ордасында заң факультетінің магистратурасын бітіріп, заң ғылымдарының магистрі дәрежесін алған.
2014 жылы Ресей Федерациясы Президентінің жанындағы Ресей халық шаруашылығы және мемлекеттік қызмет академиясының Іскерлік басқару магистрі (MBA) дипломын алған.
Владимир Савченко еңбек жолын туған қаласында токарьдың шәкірті болып бастаған. Жамбыл вагон жөндеу зауытында жұмыс істеген.
Жамбыл облыстық адвокаттар алқасында тағылымдамадан өткен (1999 - 2000).
2000 жылы «Банк ЦентрКредит» ААҚ заң басқармасында заңгер болып жұмыс істей бастады. 2001 жылы «Банк ЦентрКредит» ААҚ Алматы филиалының заң бөлімінің басшысы болды. Сондай-ақ ол «Банк ЦентрКредит» АҚ заң басқармасының бастығы және заң департаментінің басқарушы директоры қызметтерін атқарды.
2014 жылдан 2022 жылға дейін «Сбербанк» АҚ ЕБ заң департаментінің директоры болып жұмыс істеді.
2022 жылдың шілдесінен 2023 жылдың сәуіріне дейін «Bereke Bank» АҚ Басқарма төрағасының орынбасары болып қызмет атқарды.