Отбасы банк өз салымшыларын Шымкент қаласында өтетін жылжымайтын мүлік жәрмеңкесіне шақырады

Баспасөз хабарламасы


Отбасы банк өз салымшыларын Шымкент қаласында өтетін жылжымайтын мүлік жәрмеңкесіне шақырады

Жылжымайтын мүлік жәрмеңкесі 18 қараша күні Шымкент қаласындағы Көрме орталығында өтеді. Іс-шара сағат 09:00-де басталып, сағат 20:00-ге дейін жалғасады. Осы уақыт аралығында Отбасы банк клиенттері жәрмеңкеде ұсынылған тұрғын үйлермен асықпай таныса алады.
Іс-шара барысында қаланың 20 жуық құрылыс компаниясы өздерінің тұрғын үй нысандарын таныстырады. Атап айтсақ бұл: BI Group, Базис-А, OKS, Батсу, Kanfar, Orda Invest, Отаu Group, Art Kurylys, СПК Шымкент, Эристайл, Capital City, Altyn Land, Feb group, Ердам, South company, 01 kz bulding, Дамдес.
Құрылысшылар жәрмеңкеге келушілерге жаңа салынған тұрғын үйлер мен коммерциялық жылжымайтын мүлік туралы ақпарат беретін болады. Ал банк қызметкерлері оларды сатып алу жолдары туралы айтып, несие төлемі бойынша есептеулер жасап, қолайлы тұрғын үй таңдауға көмектеседі. Қала тұрғындары тіпті банк кеңесшілерінен небәрі 15 минуттың ішінде жасалатын – несиеге алдын ала мақұлдау алу қызметін де жәрменке барысында қолдана алады.
Іс-шараға Шымкент қаласы әкімінің орынбасары мен Тұрғын үй басқармасының өкілдері қатысады.
- Жыл басынан бері Шымкенттегі Отбасы банк филиалы 3 621 заем берді. Бұл күн сайын 11 адамның қолжетімді кредитті рәсімдеп, қоныс тойын тойлайтындығын білдіреді. Шымкент тұрғындары жинақтау және әрі қарай тұрғын үй сатып алу үшін биылғы жылы банкте тағы 27 мыңнан астам жаңа салым ашты. Отбасы банктің жинақтаушы шоттарына деген мұндай сұраныс қарыздар бойынша мөлшерлемелердің қолжетімділігімен түсіндіріледі. Шотта бастапқы жарнаға қаражат жинақтай отырып, біздің клиенттеріміздің тұрғын үй сатып алу үшін 3,5%-дан 11,5%-ға дейінгі мөлшерлемелер бойынша әрі қарай кредит алу мүмкіндігі бар, - деп түсіндірді Отбасы банктің Шымкент қалалық филиалының директоры Дәурен Саудабаев.
Жәрмеңкеге келген алғашқы 30 адамды құрылыс салушылар түрлі сыйлықтармен қуантпақ. Ал іс-шара барысында баспана таңдап, заем рәсімдеген қара тұрғындарына компания өкілдері жеңілдіктер мен бонустар ұсынбақ.

***

««Отбасы банк» тұрғын үй құрылыс жинақ банкi» АҚ — еліміздегі тұрғын үй құрылыс жинақ жүйесін жүзеге асыратын бірден-бір банк. Ұйым Еуропалық құрылыс жинақ кассалары федерациясына (ЕҚЖКФ) және Халықаралық тұрғын үйді қаржыландыру одағына кіреді. Банкінің жалғыз акционері – «Бәйтерек» Ұлттық басқарушы холдингі» АҚ.