Банк клиенттерді ипотекалық қарыз алуға жүгінген кезде Қазақстан Республикасы заңнамасының талаптарын және ипотекалық кредиттеу шарттарын қатаң сақтау қажеттігі туралы хабардар етеді.

Клиент Банкке дұрыс, толық және өзекті мәліметтер мен құжаттарды ұсынуға, сондай-ақ ипотекалық кредитті (алдын ала қарызды) рәсімдеу кезінде бастапқы жарнаның заңды және нақты енгізілуін қамтамасыз етуге міндетті.

Клиент Банкке жалған, дұрыс емес немесе бұрмаланған мәліметтерді, сондай-ақ жалған, қолдан жасалған немесе жарамсыз құжаттарды ұсынғаны үшін жауапты болады, оның ішінде, бірақ олармен шектелмей:

• табыстарды, жұмыспен қамтылуды және ақшалай қаражат көздерін растайтын құжаттар;
• кепілге қойылған мүлікті бағалау жөніндегі есептер;
• жеке басын куәландыратын құжаттар;
• қаржылық жағдайы, міндеттемелері және кредиттік тарихы туралы мәліметтер;
• сауалнамаларда, өтініштерде және кредиттік өтінімдерде қамтылған ақпарат.

Сонымен қатар, клиент ипотекалық кредиттеу кезінде бастапқы жарнаны қалыптастыруға және енгізуге байланысты алаяқтық әрекеттер жасағаны үшін де жауапты болады.

Мұндай әрекеттерге, оның ішінде, мыналар жатады:

• бастапқы жарнаның енгізілгенін растайтын жалған немесе қолдан жасалған құжаттарды ұсыну;
• бастапқы жарнаны жалған түрде аудару және кейіннен қаражатты Клиентке, жылжымайтын мүлік сатушысына, құрылыс салушыға немесе аффилиирленген тұлғаларға қайтару;
• ипотекалық кредиттеу шарттарымен тыйым салынған жағдайда бастапқы жарнаны қалыптастыру үшін қарызға алынған, кредиттік немесе транзиттік қаражатты пайдалану;
• бастапқы жарнаны жасанды түрде қалыптастыруға бағытталған сатушылардың, құрылыс салушылардың, риэлторлардың, бағалаушылардың немесе өзге де үшінші тұлғалардың қатысуымен жасалатын схемаларға қатысу;
• бастапқы жарнаның көзі, енгізілу фактісі немесе мөлшері туралы Банкті жаңылыстыруға бағытталған өзге де әрекеттер.

Аталған бұзушылықтар анықталған жағдайда Банк Қазақстан Республикасы заңнамасына, Қазақстан Республикасының Қаржы нарығын реттеу және дамыту агенттігінің (ҚНРДА) нормативтік құқықтық актілеріне, сондай-ақ ипотекалық кредиттік шарттың талаптарына сәйкес:

• ипотекалық кредит беруден бас тартуға не өтінімді қарауды тоқтата тұруға;
• кредит сомасын, есептелген сыйақыны және өзге де міндетті төлемдерді мерзімінен бұрын қайтаруды талап етуге;
• Банкке келтірілген залалды өтеуді талап етуге;
• Қазақстан Республикасының заңнамасында көзделген жағдайларда анықталған фактілер туралы ақпаратты уәкілетті мемлекеттік органдарға, кредиттік бюроларға және өзге де ұйымдарға беруге құқылы.

Банк қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл (ЖҚТ/ТҚҚ) және алаяқтыққа қарсы іс-қимыл талаптары шеңберінде мемлекеттік ақпараттық жүйелерді, кредиттік бюролардың деректерін және өзге де заңды көздерді пайдалана отырып, ұсынылған мәліметтердің, құжаттардың және бастапқы жарна көздерінің дұрыстығын тексеруге құқылы.

Маңызды білу қажет!!!

Ипотекалық кредиттеу кезінде жалған мәліметтерді, қолдан жасалған құжаттарды ұсыну, сондай-ақ бастапқы жарнаны қалыптастырудың заңсыз схемаларын пайдалану кредиттеу шарттарын елеулі түрде бұзу болып табылады және азаматтық-құқықтық, әкімшілік және/немесе қылмыстық жауапкершілікке әкеп соғуы мүмкін:

• Қазақстан Республикасының «Қазақстан Республикасындағы банктер және банк қызметі туралы» Заңы
  – 33-бап — банктің банк қызметтерін көрсетуден бас тарту құқығы;
  – 36-бап — банктің шарттан біржақты тәртіппен бас тарту құқығы.
• Қазақстан Республикасының Азаматтық кодексі
  – 8-бап — азаматтық құқықтарды адал жүзеге асыру;
  – 159-бап — алдау әсерімен жасалған мәміленің жарамсыздығы;
  – 350-бап — міндеттемелерді бұзғаны үшін жауапкершілік.
• Қазақстан Республикасының Қылмыстық кодексі
  – 190-бап — алаяқтық;
  – 385-бап — жалған құжаттарды жасау, дайындау немесе пайдалану.
• Қазақстан Республикасының ҚНРДА-ның нормативтік құқықтық актілері, ипотекалық кредиттеуді, кредиттік тәуекелдерді басқаруды және алаяқтыққа қарсы іс-қимылды реттейтін нормалар.