Жоба басталған кезде «Қазақстанның тұрғын үй құрылыс жинақ банкі» АҚ айтарлықтай клиенттер базасына, сондай-ақ, жоғары технологиялық және басқарушылық деңгейде құрылған ақпараттық технологиялар мен ақпараттық қауіпсіздік қызметтеріне ие болды.

Банк басшылығы ақпараттық технологиялар мен ақпараттық қауіпсіздік блоктарын нығайту мақсатында бірқатар міндеттерді алға қойып, жоба аяқталғаннан кейін келесі нәтижелерге қол жеткізді:
- халықаралық стандарттар негізінде (ITIL, COBIT және т.б.) Ақпараттық қауіпсіздікті басқару жүйесі мен IT-басқару жүйесінің жетілдірілуіне кешенді баға берілді және жүйелерді одан әрі дамыту жөніндегі ұсыныстар жасалды.
- IT басқару, ішкі бақылау және тұтынушылардың қанағаттандырылуын бақылау жүйелері арасында интеграция орнатылды;
- ақпараттық технологиялар инфрақұрылымындағы өзгертулердің бірыңғай регламенті құрылды.

«IT-басқару жүйесінің мүмкіндіктерін бағалау, оларды жетілдірудің нақты жоспарларын жасау және оны жүзеге асыру – осының барлығы қазіргі заманауи кездегі кез-келген сандық компанияның дамуына негіз болатын үш тірек», - дейді GPI Group компаниясының басқарушы серіктесі Рустам Якупбаев.

«GPI Group және IT Expert компанияларының сарапшылары Қазақстан Республикасында бизнес-процестерді автоматтандыру жүйесін әзірлеу және енгізу жөнінде бірнеше маңызды жобаларды жүзеге асырды. Тұрғын үй құрылыс жинақ банкінің бұл жобасы халықаралық стандарттар мен әлемдік озық тәжірибелерге сай ақпараттық технологияны дамыту мен жетілдірудің тағы бір тиімді көрсеткіші», - дейді IT Expert компаниясының басқарушы серіктесі Михаил Грибов.

«GPI IT Expert компаниясындағы әріптестеріміз технологиялық жетілдірулерді ендіруге мүмкіндік беретін және Банкте аса тиімді әрі нәтижелі бизнес-процестерді құруға көмектесетін шешімдерді іздестіруде, сондай-ақ, айрықша міндеттерді шешу кезінде жоғары деңгейдегі сараптама жүргізу және оны тәжірибе жүзінде жүзеге асыру шеберліктерін көрсете білді», - дейді «Қазақстанның Тұрғын үй құрылыс жинақ банкі» АҚ Ақпараттық қауіпсіздік департаментінің директоры Дмитрий Сучков.