Тұрғын үй құрылыс жинақ банкінің жағдайы не болмақ?

Тұрғын үй құрылыс жинақ банкінің  Басқарма Төрағасы Айбатыр Жұмағұлов  Сергей Пономаревтың «Тоқсандық сұхбат» атты  авторлық айдарында сауалдарына жауап берді.

Сұхбатта  жұртшылықты  мазалап жүрген: « Тұрғын үй құрылыс жинақ банкін кімге сатпақшы, өтемақының құны неге бар болғаны 35,5%   құрады, салымшыларды баспанамен қамтамасыз етуде қандай қосымша бағдарламалар  жүзеге асады және Банктің қызметіне дағдарыс  қалай әсер етпек?»  тақырыптары  төңірегінде өрбіді.

Сергей Пономарев, журналист: Қазір дағдарыс  кезінде көптеген қаржы институттары шығындарын азайтып,  мемлекеттік бағдарламаларды қаржыландыру қысқартылып жатыр. Тұрғын үй құрылыс жинақ банкінің әлеуеті әрі қарай да арта бермек пе?

Айбатыр Жумағұлов: Дағдарыс туралы айтатын болсам, осыған дейінгі бір де бір дағдарыс, соның ішінде 2007 жылы , банктің жұмысына кері әсерін тигізе қоймады және көрсеткіштеріміз өте жақсы. Егер 2015 жылдың нәтижесіне көз жүгіртсек, жалпы  барлық параметр жағынан, әсіресе   тұрғын үй заемдарын қаржыландыруда,  көрсеткіштеріміз  өте жоғары. Жалпы айтқанда, нарықтық жағдаятқа қарамастан,  тұрғын үй құрылыс жинақ жүйесінің жағдайы тұрақты әрі бірқалыпты.

Сергей Пономарев, журналист: Банк салымдар бойынша өтемақы төлеуге қатысты халыққа түсінік беруде  нәтижелі жұмыстар атқарды. Осы өтемақыға қатысты барлық мәселелер шешімін тапты ма?

Айбатыр Жұмағұлов: Өткен аптада  біз салымшылардан өтемақы төлеуге байланысты өтініш қабылдайтынымызды  хабарлаған болатынбыз. Және олардың қатарын 467 мың салымшыларымыз  құрап отыр.  Сондай-ақ, электрондық  үкіметті сүйемелдеп, біздің  клиенттерімізге  қашықтан қызмет көрсетуімізге мүмкіндік жасап отырған  «НИТ» акционерлік қоғамына  үлкен алғысымды айтқым келеді. Жалпы, қазіргі таңда өтемақы төлеу тетіктері дайын болды. Ол туралы хабарландыруды неге ұзақ күттік деген сұраққа келетін болсақ, өтемақы төлеуде біздің  басқа банктерден айырмашылығымыз қарастырылды. Яғни, басқа банктер өтемақыны салымында 1 миллион теңгеге  дейін қаражаты бар салымшыға төлесе, тұрғын үй құрылыс жинақ банкі салымында 1 миллион теңгеден аса жинағы бар салымшыларға да өтемақы төлейді.

Сергей Пономарев, журналист:Үкімет  жекешелендірілетін компаниялардың тізімін бекітті. Олардың қатарында тұрғын үй құрылыс жинақ банкі де бар. Алайда, салымшылар кредит беру талаптары өзгеріп кетпей ме деп  қауіптеніп отыр. Бұл қаншалықты шындыққа жанасады?