Құрметті салымшылар!

«Қазақстанның тұрғын үй құрылыс жинақ банкі» АҚ «Кредиттік тұрғын үй құрылысы» бағыты бойынша «Нұрлы жер» мемлекеттік тұрғын үй құрылысы бағдарламасына қатысуға өтініштер қабылдау арқылы тұрғын үй құрылысы жобаларын іске асыру үшін дауыс беру туралы хабарлайды.

Нысан: «Жобалық атауы Е10 және Е250 көшелерінің қиылысы маңындағы көппәтерлі тұрғын үй кешендерінінің құрылысы», №1 лот (1 полигон, 1-дақ).
Тұрғын үй кешенінің құрылыс алаңы Есіл өзенінің сол жағалауында, Шыңғыс Айтматов пен Қайым Мұхамедханов даңғылының қиылысында орналасқан. Жақын маңда - Технология және бизнес университеті бар.

Құрылыстың жоспарланған аяқталу мерзімі: 30.06.2020 жыл.

Тұрғын үйдің 1 шаршы метрінің құны: «таза» әрлеуде 180 000 теңге.

Жайлылық сыныбы: III

Пәтер саны: 208

Пәтер түрі 1 – бөлмелі пәтер: 90 пәтер, ең үлкен аумағы 41,00 ш.м.,

Пәтер түрі 2– бөлмелі пәтер: 86 пәтер, ең үлкен аумағы 62,70 ш.м.,

Пәтер түрі 3 – бөлмелі пәтер: 16 пәтер, ең үлкен аумағы 79,06 ш.м.,

Пәтер түрі 3– бөлмелі пәтер: 16 пәтер, ең үлкен аумағы 93,6 ш.м.,

Қатысуға өтініш қабылдау мерзімі: 01.06.2020 ж. бастап 30.06.2019 ж. дейін

Ұпайлар есептелінетін күн (Үміткерлерді іріктеу): 01.07.2019ж

Пулға қатысуға арналған өтінішті Банктің интернет-ресурсында беруге болады. Өтініш беру күні мен уақыты берілген үпайлар санына және өтініш берушілердің кезектілігіне әсер етпейді.

Өтініш тек Банк салымшыларынан қабылданады.

«Нұрлы жер» мемлекеттік тұрғын үй құрылысы бағдарламасына қатысуға өтініш беру арқылы Банк салымшылары Нысанға және оның әрі қарайғы өткізілуіне дауыс береді.

Нысандағы тұрғын үйлердің 50%-ынан кем емесі жергілікті атқарушы органда кезекте тұрғандар арасында бөлінеді.

Қатысуға өтініш берген немесе іріктеуден өткен жергілікті атқарушы органда кезекте тұрғандардың саны жеткіліксіз болған жағдайда, тұрғын үй Банк салымшыларының ішінен басқа өтініш берушілер арасында бөлінеді.

Өтініш берушінің тұрғын үй құрылыс жинақ шотында таңдалған пәтер құнының 20%-ынан кем емес көлеміндегі тұрғын үй құрылыс жинағы болғанда алдын ала тұрғын үй заемын алуға өтініш беру мүмкін болады.
Өтініш берушілерге қойылатын талаптармен, құрылыс нысанының сипаттамасымен, соның ішінде ғимарат қасбетінің және пәтер жоспарының фото-суреттерін Банктің baspana.kz және/немесе www.hcsbk.kz интернет-ресурсындағы «Қолжетімді тұрғын үй» бөлімінде толығырақ көре аласыздар.

Қосымша сұрақтар туындаған жағдайда, Банктің Байланыс орталығына 300 нөмірі арқылы (ұялы телефоннан тегін) хабарласуыңызды өтінеміз.