Қоңырауға тапсырыс беру
«Бәйтерек» Ұлттық басқарушы холдингі»    Акционерлік қоғамның еншілес ұйымы 

2018 жылы «Нұрлы жер» бағдарламасының аясында жеңілдетілген несие беру үшін Тұрғын үй құрылыс жинақ банкіне 24 млрд теңге бөлінеді

30 Января 2018 2018 жылы «Нұрлы жер» бағдарламасының аясында жеңілдетілген несие беру үшін Тұрғын үй құрылыс жинақ банкіне 24 млрд теңге бөлінеді
Аталған қаражат басым бағытты республикалық инвестициялар тізіміне енді және осы жылғы бюджет аясында қарастырылып отыр. Бұл туралы «Қазақстанның Тұрғын үй құрылыс жинақ банкі» АҚ («Бәйтерек» Холдингінің еншілес ұйымы) Директорлар кеңесінің отырысы барысында айтылды. Жиналыс Астанада «Бәйтерек» холдингінің басшысы Айдар Әріпхановтың төрағалық етуімен өтті.

«Нұрлы жер» бағдарламасы бюджеттік несие түрінде жыл сайын банкке 24 млрд теңге көлеміндегі қаржы бөлуді қарастырады. Бұл ақшаға банк салымшылары 5% көлеміндегі жеңілдетілген мөлшерлемемен алдын-ала және аралық займдар ала алады. Ол үшін Тұрғын үй құрылыс жинақ банкі шотында 30% көлемінде ең төменгі алғашқы жарна жинау қажет.

2017 жылдың қорытындысы бойынша Тұрғын үй құрылыс жинақ банкі мемлекет бөлген 30 млрд теңгені игергенін еске сала кетейік. Бұл қаржыға 3 488 қазақстандық отбасы «Нұрлы жер» аясында төмен бағамен үй сатып алды.
Жиналыс барысында банк 2017 жылдың төртінші тоқсанының нәтижесі бойынша Ішкі аудит департаментінің қызметі туралы есеп беріп, Директорлар кеңесіне ұсынылатын есептілік тізімін бекітті.

Сондай-ақ 2017 жылдың төртінші тоқсаны бойынша Директорлар кеңесінің, Директорлар кеңесі Комитеттерінің жұмысы туралы есеп қарастырылып, бекітілді. Мәліметтерге сәйкес, Директорлар кеңесі төртінші тоқсанда Тұрғын үй құрылыс жинақ банкі қызметіне қатысты 80 мәселені қарастырған.

қайтару

ПОЗВОЛЬТЕ НАМ ДЕРЖАТЬ ВАС В КУРСЕ!

Подпишитесь на нашу рассылку, и мы будем отправлять вам на электронную почту информацию о самых выгодных акциях и предложениях Жилстройсбербанка

Суреттегі кодты енгізіңіз